Plantun de Prouvènço

Pèr coumpara dos planto d'encò nostre

Cuscuta planiflora & Opuntia engelmannii

Péu-de-lin(-di-flour-plano)

Cuscuta planiflora

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute à fleur plane.

Descripcioun :
Lou péu-de-lin-di-flour-plano douno d'èr à Cuscuta epithymum, pamens li flour soun blanco e pu pichoto. Es uno planto coumuno en basso Prouvènço au contro de sa cousino que mounto mai. Se n'en destrìo subretout que li sepalo an de lobe redoun e pas pounchu. Bessai que s'agirié de la memo meno qu'eisisto de bastard.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 4 à 6 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à avoust

Liò : Tepiero seco - Relarg à jóuinis aubret
Estànci : Termoumediterran à Coulinen
Couroulougi : Éurimediterrano
Ref. sc. : Cuscuta planiflora Ten., 1829

Raqueto(-d'Engelmann)

Opuntia engelmannii

Cactaceae

Autre noum : Pato-dóu-diable.

Nom en français : Oponce d'Engelmann.

Descripcioun :
Aquesto raqueto, vo pato-dóu-diable, trachis souvènt proche d'oustau o dins li vilage. Se recounèis à si raqueto verdalo proun pougnènto (aguio blanco de 1 à 3 cm) que podon faire fin qu'à 40 cm de larg e quàsi redouno. Li fru madur soun secous e de coulour pourpro. Fai pas jamai pu de 100 cm.

Usanço :
Li flour e li fru di raqueto soun manjadis. La raqueto èro deja proun utilisado pèr lis aztèque pèr sougna li plago e contro la pisso-douço. Èi peréu tounico e diuretico. Aro se retrobo dins proun de medicacioun pèr lucha contro la buerbo, lis artèri tapado e coume l'avèn di lou diabète.

Port : Aubret
Taio : 20 à 100 cm
Fueio : ges
Tipe bioulougico : Camefite
Cicle bioulougico : Planto renadivo

Gènre : Opuntia
Famiho : Cactaceae

Coulour de la flour : Jauno
Petalo : >6
Ø (o loungour) flour : 5 à 6 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Escoumbre e proche dis oustau - Camin - Pendis roucaious
Estànci : Mesoumediterran
Couroulougi : Óurigino Americo-Sud e Óurigino Meissique
Ref. sc. : Opuntia engelmannii Salm-Dyck ex Engelm., 1850

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta planiflora & Opuntia engelmannii

ges

Coumpara Péu-de-lin(-di-flour-plano) emé uno autro planto

Coumpara Raqueto(-d'Engelmann) emé uno autro planto